Օֆսեթ տպագրությունն իրականացվում է մեծածավալ տպագրության դեպքում, լազերայինը՝ փոքրածավալ: Օրինակ՝ գրքույկների և բուկլետների դեպքում, եթե տպաքանակը գերազանցում է 500 օրինակը, ապա տպագրության համար լավագույն տարբերակը օֆսեթն է, քանի որ այս տպագրության դեպքում մեկ օրինակի արժեքը ավելի ցածր է: Օֆսեթ տպագրությունը նախապատրաստական աշխատանք է պահանջում՝ ելնելով տպագրական տեխնոլոգիայից, սակայն այս տպագրության համար նախատեսված ներկն ավելի էժան է, ուստի մեծ տպաքանակի դեպքում նպատակահարմար է օֆսեթը, եթե, իհարկե, ժամանակը մեծ դեր չի խաղում ձեզ համար:

Թվային տպագրության գլխավոր առավելությունը արագությունն է: Այստեղ այնքան մեծ նախապատրաստական աշխատանք չկա, որքան օֆսեթի դեպքում: Թվային տպագրությունն իրականացվում է սկսած մեկ օրինակից, հնարավոր է նաև նախապես ծանոթանալ տպագրության որակին, գույներին և այլն:

Տպագրության համար թղթի ամենատարածված ֆորմատը A սերիայի չափսն է: Համեմատության համար նշենք, որ, օրինակ, գրասենյակային թուղթը A4 չափսի է: Ստորև ներկայացված են թղթի ստույգ չափսերը.

A0	841մմ x 1189մմ
A1	594 մմ x 841 մմ
A2	420 մմ x 594 մմ
A3	297 մմ x 420 մմ
A4	210 մմ x 297 մմ
A5	148 մմ x 210 մմ
A6	105 մմ x 148 մմ
A7	74 մմ x 105 մմ
A8	52 մմ x 74 մմ

Տպագրության համար անհրաժեշտ ֆայլերը պետք է պատրաստել Adobe PDF, Corel Draw (.cdr, .cmx), Adobe Illustrator (.ai, .eps), Adobe Photoshop (.psd, .tiff), Adobe InDesign (.indd) ֆորմատներով:

Տպագրության գինը գոյանում է նախատպագրական աշխատանքներից (դիզայն, խմբագրում և այլն), նյութից, որի վրա իրականացվում է տպագրությունը (թուղթ, շապիկ, բաժակ և այլն), տպագրությունից և հետտպագրական աշխատանքներից (կար, ծալք և այլն): Նախատպագրական աշխատանքները, երբեմն նաև նյութերի տրամադրումը կարող են իրականացվել պատվիրատուի կողմից:

Եթե տպագրության համար ձեզ գնային առաջարկ է հետաքրքրում, նախ պետք է պատկերացնել, թե ինչպիսի ծառայություններ են ձեզ անհրաժեշտ: Տպագրության գինը կախված է նաև քանակից:

Օրինակ` որպեսզի իմանաք, թե որքան կարժենա տպագրությունը 1 գրիչի վրա, պետք է տեղեկացնեք, թե մոտավորապես քանի գրիչի վրա եք մտադիր տպագրություն իրականացնել: Կողմնորոշվելու համար կարող եք միանգամից 2 տարբերակ հարցնել՝ 50 և 100 հատի դեպքում:

Եթե կոնկրետ բյուջե ունեք, ապա կարող ենք առաջնորդվել նաև դրանով և հարմար տարբերակ առաջարկել՝ ձեր հնարավորություններին համապատասխան: Ամեն դեպքում ձեր ժամանակը խնայելու համար գնառաջարկ հարցնելիս ձեզ համար պարզեք տպագրության`

• քանակը (օրինակ՝ 100 կամ 300 հատ)
• չափը (օրինակ՝ A5 կամ 15 x 21 սմ և այլն)
• գույները (օրինակ՝ 4 գույն կամ սև-սպիտակ)
• երկկողմանի կամ միակողմանի տպագրություն
• թղթի քաշը և որակը (փայլուն, անփայլ)
• բուկլետների, գրքույկների դեպքում` կարելու եղանակները (տետրակար, թերմոսոսինձ, թելակար-թերմոսոսինձ և այլն)

Եթե տպագրության տրվող նյութը որևէ նախատպագրական աշխատանք չի պահանջում, ապա օֆսեթ տպագրության համար անհրաժեշտ է սպասել առավելագույնը 5-7 աշխատանքային օր: Թվային տպագրությունը հնարավոր է իրականացնել 1-2 աշխատանքային օրվա ընթացքում: Պատվերի կատարման օրերը պետք է հաշվել տպագրության նյութը հաստատելուց, այսինքն՝ վերջնական համաձայնությունը տալուց հետո: Տպագրության հստակ ժամկետը համաձայնեցվում է տպարանի աշխատակիցների հետ: Մշտական հաճախորդներին տրվում է առաջնահերթություն:

Խմբագրումն ու սրբագրումն առանձին ծառայություն են, որ մատուցվում են միայն պատվիրատուի պահանջով: Դիզայնի և տպագրության մեջ օգտագործվող ինֆորմացիայի հավաստիության ամբողջ պատասխանատվությունը կրում է պատվիրատուն: Սակայն փոքր տեքստեր պարունակող նյութերը մշտապես մեր ուշադրության կենտրոնում են, և տառասխալներ կամ վրիպակներ նկատելու դեպքում դրանք ուղղվում են՝ պատվիրատուի համաձայնությամբ:

Այո´: «ԶարտՊրինտը» պարտավորվում է գաղտնի պահել և չտարածել պատվիրատուի կողմից տպագրության համար տրամադրված տեղեկությունները: Տպագրված նյութերի լուսանկարները կարող են հրապարակվել մեր պաշտոնական կայքում և սոցիալական էջերում որպես տպագրական օրինակ՝ միայն հաճախորդի համաձայնությամբ, պահպանելով անձնական տվյալների գաղտնիությունը:

Այո´: Եթե ծառայությունն իրականացվել է ձեր պատվերով, ապա մեր տպարանի կողմից իրականացված ձևավորումը ձեր սեփականությունն է. այն կարող է տրամադրվել պատվիրատուին՝ իր ցանկությամբ:

Մեր տպագրության համար կանխավճարի սկզբունքը գրեթե չի գործում: Ծառայությունների դիմաց պատվիրատուն վճարում է դրանք մատուցելուց հետո, իրեն հարմար եղանակով՝ փոխանցում կատարելով «ԶարտՊրինտի» հաշվեհամարին կամ վճարելով կանխիկ՝ համապատասխան անդորրագրով և այլ անհրաժեշտ փաստաթղթերով: Ծառայությունների դիմաց վճարման կարգը սահմանվում է պատվիրատուի հետ ստորագրված ծառայությունների մատուցման պայմանագրով:

Ո´չ, պարտադիր չէ: Յուրաքանչյուր մոնիթոր տարբեր է, և ֆայլերը կարող են տարբեր երևալ ամեն էկրանի վրա: Սա վերաբերում է նաև թվային տպիչներին, այսինքն` տարբեր տպագրական մեքենաներ տարբեր կերպ կարող են վերարտադրել այն, ինչ ձեր էկրանին է:

Բրայլյան այբուբենը ստեղծվել է տեսողության խնդիրներ ունեցող մարդկանց համար, 1824-ին երեք տարեկանում աչքերի բորբոքումից կուրացած Լուի Բրայլի կողմից: Բրայլով գրված տեքստը կարդում են՝ ցուցամատը նշանների վրայով սահեցնելով: Բրայլի գրերը պատկերելու համար կիրառվում են վեցկետանի բջիջներ: Կետերին ուռուցիկություն հաղորդելու համար դրանք արվում են թղթի հակառակ կողմից: Ավանդական վեցկետանի Բրայլն ունի 64 տարբեր նշան: Դրանք օգտագործելով՝ ստացվում են ինչպես տարբեր այբուբենների տառերը, այնպես էլ թվեր, կետադրական նշաններ, անգլերենում նաև` առանձին բառեր և տառերի կոմբինացիաներ:

«Զարտպրինտը» տրամադրում է նաև ծառայություններ, որոնք մատչելի են դարձնում տեղեկատվությունը. Բրայլի համակարգով (փոքր ծավալի), խոշոր տառատեսակով, հակադիր գույներով տպագրություն, աուդիոգրքերի ձայնագրում և բազմացում, պարզեցված տեքստերի մշակում և այլն: Այս ձևաչափերով տպագրությունը ձեր տեղեկությունը հասանելի է դարձնում տարբեր կարիքներ ունեցող անձանց: